Adab au Hunar / شعر، ادب او هنر
ستر ارمانونه
[05.Apr.2024 - 19:18]شاعر: سید عبید الله نادر
ستر آرمانونه
مونږ درنــو درنـــــو، بارونو ته پـــیدا یو
مونږه ســــترو آرمــــانونو ته پـــــیدا یو
چې رڼا د مـــــعرفت هر خوا خوره کړي
مونږه داســـي لوی کارونو ته پــــــیدا یو
چې ورمیږ د غلیم مات په یوه سوک کړي
داسي کلکو، ګــــــذارونو ته پــــــیدا یو
چې په څو ټکو، بیدار کړي ضـــــمیرونه
مونږه داسي شــــعارونو ته پــــیدا یو
چې اسـرار د دي چـمن ساتي په زړه کې
مونږه داسي پټ رازونــــو، ته پـــــیدا یو
چې د درد څریکه ،د زړه په غوږو اوري
مونږه داســــــي فریادونــــــو ته پــــیدا یو
چې د میني محــــبت ورکـــــــــوي زیری
مونږه داسي، پــــــیغامونو ته پــــــــیدا یو