(که سپوره وي که پوره وي نو په شریکه به وي (باچاخان)
د پېښور د خيبر ميډيکل کالج په تالار کې ادبي بنډار ترسره شو
[20.Dec.2008 - 11:41] شنبه (خالي) ٢� /١٢/٢� � ٨ پېښورscprd: د پېښور د خيبر د ميډيکل کالج په تالار کې د خيبر ميډيکل کالج د محصلينو لخوا ادبي بنډار جوړ شو، چې په کې د لرې اوبرې پښتونخوا شاعرانو، ليکوالو، ژورنالستانو او سياسي څېرو برخه اخيستې وه . د غونډې مشري د پښتونخوا د لوبو او کولتور وزير سيد عاقل شاه وکړه، د سټيج چارې نامتو ژورنالست او خبريال محمد عارف همدرد ترسره کولى، پر سټيج د لوبو او کولتور ايالتي وزير سيد عاقل شاه، نازکخياله غزل ويونکى اکرام الله گران، نامتو شاعر اباسين يوسفزى، د گڼو کتابونو ليکوال سيد صابر شاه صابر،د افغان عالي ليسې مشر تحسين الله تحسين او طنز ليکونکي شاعران ظفر خان ظفر او حضرت ګل زنداني ناست ول .
![](images/news/kheberAdabiGhunda.jpg)
لومړى قارى اسرارالحق جوهر لخوا د قرآن عظيم الشان څو مبارک ايتونه ولوستل شول ورپسې ښاغلي محمد عارف همدرد د بنډار برخه والو ته د مشاعرې په جوړښت رڼا واچوله او زياته يې کړه، چې د دغې مشاعرې هدف د پښتونو يووالى دى، چې
![](images/news/kheberAdabighunda1.jpg)
څنګه وکولى شو، چې يو ځل بيا پښتانه په يو ټغر راټول شي او خپلې ستونزې په خپله حل کړي . ورپسې ځوان شاعر نذير احمد نذير خپل شعر ولوست او په اوسنيو حالاتو يې رڼا واچوله، افغان ليکوال او د افغان ليسې مشر تحسين الله تحسين هم زړه پورى شعر ولوست، ورپسې د کوزې پښتونخوا شاعر سيد صابر شاه صابر، طنز ليکونکى شاعر حضرت ګل زنداني، شاهد علي شاهد، ظفر خان ظفر، جلال خليل، معراج الدين
![](images/news/kheberAdabiGhunda2.jpg)
خيبر، اسير منګل، عبدالرحيم حيران، اقبال مومند، اباسين يوسفزى، نجيب الله اکرامي، تواب خان ځاځى،رفيع الله وياړ او نورو ګڼو ځوانانو خپل شعرونو ګډونوالو ته وړاندې کړل په پاى کې د لوبو او کولتور ايالتي وزير په غونډې رڼا واچوله او ويې ويل، چې مونږ هڅه کوو، چې په پښتنونخوا کې کولتور ته وده ورکړواو د ليکوالو ستونزې حل کړو. ادبي بنډار ماښام اوه بجې پيل او د شپې پر لس بجو پاى ته ورسيد . - د پښتونخوا خبریال
بېرته شاته |