Adab au Hunar / شعر، ادب او هنر
اې مهربــــــانی مــورې
بېرته شاته
(که سپوره وي که پوره وي نو په شریکه به وي (باچاخان)
اې مهربــــــانی کـړيدلی مــورې
ډيــــــرو غــمونو زورولی موری
ستا په شدو باندی قسم يادوم
هسی د ټــولو ميندو غم يادوم
ســتــا زحــــمتونه هيرولی نه شــم
د زړه زخـــمـــونه پـــټولی نه شــــم
ستا د قدم خاوری رانجه دی زما
د دی وطن خاوری لـــيمه دی زما
ستا به ارمان سر کړم په سترګو باندی
رانجه به پوری کـــــړم په غبرګو باندی
د وطن ميــندو زوريــدلی مـــيــنـــدو
د بيلتون اور کی سوزيدلو خويندو
تا سی بی سيوری بی پړونی مه شی
د بی فايدی اور اور لـــړونی مه شی
اې د وطن ځـــوانــانو يو شــــی ســره
د ستـــرولـــس بــــچيانو يو شی سره
د ګـــران هـــيواد د ابـــادی لپاره
د بوډی مور د خوشحالۍ لپاره
نو موری موری په ماګـرانی موری
اوښی توئی نګړی مهربانی موری
ستا لا بچی د لوی وطن ژوندی دی
چې سوله نه منی له مــونږ پردی دی
پردی دی لاړ شی مونږ پردی نه غواړو
نور مونږه جنګ او دوښمنی نه غواړو
بيرغ د سولی تل اوچت غـــواړو
انسان ته ژوند د شرافت غواړو
مونږه يو کيږو د ژوندون لپاره
د اتـــفــــاق مـــلی ټــړون له پاره
دا وطــــن د هـــر بــــــــچـــی ارمـــــــــان دی
څوک چی له پلار او مور پيدا افغان دی
١٣٦٧
کابل
هيلی هاندونه او ارمانونه د ښاغلی محمد يوسف خدمتګار مزدورزوی د شعرونو مجموعه
بېرته شاته
بېرته شاته