ډاکټر اکرم ملکزي ته د جرمني دولت د ستر نښان د ورکولو خبرتيا
ډاکټر اکرم ملکزي ته د جرمني دولت د ستر نښان د ورکولو خبرتيا
د راتلونکې جمعې په ورځ، د ۲۰۱۱ کال د اکتوبر په ۷ نېټه د جرمني د Rotenburg په ښار کې يو پرتمين محفل په نظر کې نيول شوى دى په دې محفل کې ډاکټر اکرم ملکزي ته د جرمني د جمهور رئيس د استازي له خوا د هغه بې ساري خدمت په وجه چې ډاکټر اکرم ملکزي د جرمني ـ پښتو ډکشنرۍ د ليکلو له لارې افغان او جرمن ولس ته کړى دى، د جرمني دولت ستر نښان ډالۍ کيږي.
دې محفل ته ګڼشمېر ډاکټران، سيمه ايز سياستوال او ځينې نور مخوريز کسان وربلل شوي دي د دې لپاره چې په تالارکې ټول ګډون کوونکي ځاى شي نوپه دې وياړغونډه کې یوازې بلل شوي کسان برخه اخيستى شي .
هغه مينه وال چې بيا هم غواړي په دې پرتمينه غونډه کې ګډون وکړي، د لاندې ليکل شوي برېښناليک سره دې اړيکې ونيسي څو د امکان په صورت کې ورته بلنه واستول شي:
د دې ستر نښان جرمني ليکدود په لاندې ډول دى
das Verdienstkreuz am Bande des Verdienstordens der Bundesrebublik Deutschland
بله اونۍ به د دې وياړغونډې رپوټ د انځورونو سره تاسو ته وړاندې شي.
Aziz Sarshar