پېښور: د خوشال بابا ادبي بهیر جوړشو

13.12.2014: د2014 ع کال د ډسمبرد میاشتې په دولسمه نېټه دجمعې په ورځ د کوزې پښتونخوا په پېښور کې د ميشتو افغان ليکوالو او شاعرانو له خوا غونډه جوړه شوه چې په ترڅ کې د خوشال بابا ادبي بهیر جوړشو.

غونډه د فضل مولا توره کي صیب له خوا د کلام پاک د مبارکو ایاتونو په تلاوت سره د مازیګر لمانځه نه مخکې پېل شوه د ويندو يي چارې میر عالم نويد تر سره کولې ، غونډه کې راغليو شاعرانو هر يو نظیر الحق قريشي ، حاجي ګل اغا شهباز، تحسين الله تحسين ، فضل مولا توره کي ، صفی الله ثمر ، زبیراحمد ساپی ،صفي الله سنګين او يو شمېر نورو شاعرانو خپل نظرونه وړاندې کړل ټولو خوښي څرګنده کړه چې په تېرو څو کلونو کې د ادبي بنډارونو د شتوالي خلا رامنځته شوې وه نو په نوي بهير سره به يو ځل بيا د ادب لمنه تانده او تازه شي دخوشال بابا ادبي بهیرواک چار(منتظم ) به ښاغلى فضل مولا توره کي وي ، نوموړى بهير به هره اوونۍ د جمعې په ورځ ماسپښين درې بجې د خوشال خان په عالي لېسه کې خپلې اوونيزې غونډې تر سره کوي .ديادونې وړده چې په پېښور کې د افغان ادبي بهير او دمهترلام با با ادبي ټو لنې فرهنگي هلې ځلې ټکنۍ شوې وې چې اوس ترې خوشال بابا ادبي بهیررامنځ ته شو