پښتو څه ده

ستر پښتون وزیر محمد ګل خان مومند د “ پښتو” پېژند څه داسې کوي.

پښتو شفقت دى.

پښتو صله رحمي ده.

پښتو مهرباني ده.

پښتو مروت دى.

پښتو ښېګڼه ده.

پښتو پالنه ده.

پښتو اصيلتوب دى.

پښتو سيال والى دى.

پښتو نجات دى.

پښتو عاليجنابي ده.

پښتو عزت دى.

پښتو درندوالى (وقار) دى.

پښتو د پوچخولي خوله څيري.

پښتو ښه نيت دى.

پښتو د پښتنو اومسلمانانوخيرغوښتنه ده.

پښتو ښه اخلاق دى.

پښتو سپېڅلتوب (تهذيب) دى.

پښتو روغه پوهه ده.

پښتو تدبير دى.

پښتو پاکوالى دى.

پښتو فضيلت دى.

پښتو مزيت دى.

پښتو د پښتنو معنويت دى.

پښتو سړيتوب دى او سړيتوب پښتو ده.

پښتو انسانيت ته خدمت دى.

پښتو کښې لويي نشته

پښتو په خبره درېدل دی

پښتو غناده ده .

پښتو استغنا ده.

پښتو قناعت دى.

پښتو په حق درېدل دي.

پښتو کښې ناروا نشته او ناروا پښتو نده.

پښتو صبر دى.

پښتو حوصله ده.

پښتو زغم (تحمل) دى.

پښتو کار کول دي.

پښتو هاند او کوښښ دى.

پښتو دين، وطن، او د پښتانه اولس ته خدمت دى.

پښتو ايثار دى.

پښتو فداکاري ده.

پښتو د اسلام، د پښتو او د پښتنو د شته والي لپاره ځان نشت کول دي.

پښتو تکړه توب دى.

پښتو ښاغگلتوب دى.

پښتو ښاغلوالى دي.

پښتو رښتيا دي.

پښتو کښې خيانت نشته.

پښتو کښې دروه نشته.

پښتو کښې ټګي نشته،تګ پښتون نه دى.

پښتو کښې غلا نشته.

پښتو کښې تالا نشته.

پښتو کښې ظلم نشته، ظلم بې پښتو والي دى.

پښتو د مظلوم حمايه ده.

پښتو صداقت دى.

پښتو کښې درواغ نشته او درواغ يې بې پښتو توب دى.

پښتون رښتيا وايي، هر چېرې يې وايي، هر چاته يې وايي او هر کله يې وايي.

پښتون رښتيا وايي که څه هم پر سولۍ وخېژي.

پښتو پاک زړه دى.

پښتو سليم وجدان دى.

پښتو ده چې پښتانه له بدو چارو ساتي.

پښتو ده چې پښتانه له بدو ليارو څخه راجار باسي.

پښتو مخه په پښتو کېږي.

پښتو دوا ده.

پښتو شفا ده.

د پښتنو رنګ په پښتو ښه کيږي.

پښتو د پښتنو د زلمو ښکولا او د پېغلو ښايست دي.

پښتو د پښتنو ګاڼه ده.

پښتو پسول (زينت) دى.

پښتو حيا ده.

پښتو د پښتنو جامه ده او حيا يې پرې ساتلې ده.

پښتو د پښتنو د نارينه وْ پګړۍ او د ښځو ټيکرى او پوړنى دى.

پښتو د پښتنو د ښځو ستر دي.

پښتو عفت دى.

پښتو عصمت دى.

پښتو د پښتانه د ناموس ساتنه پرهر پښتانه لازمه ګرځولې ده

پښتو ده چې د پښتنو سر او مال تر ناموس جاروي.

پښتو سمه عقيده ده.

پښتو ايمانداري ده.

پښتو پر مسلمانۍ ټينګېدل دي.

پښتو سعادت ته ورغلې سمه سيخه لاره ده.

پښتو ډاډ (اطمينان) دى.

پښتو اتينى (توکل) دى.

پښتو په پښتنو اعتماد دى.

پښتو پر ځان باور دى.

د مېلمنو پالنه د پښتو ځنې ده.

پښتو ډوډيماري ده.

جهل په پښتو ورکېږي.

علم په پښتو زده کېږي.

زده کړه په پښتو کېږي.

پښتو د علماوْ مننه او احترام دى.

پښتو اّزادي ده.

پښتو قوت دى.

پښتو مقاومت دى.

پښتو اقتدار دى.

پښتو حاکميت دى.

پښتو عظمت دى.

پښتو شوکت دى.

وطن په پښتو ژغورل کېږي.

پښتو د پښتنو ککرۍ د پښتنې او اولسي غروره څخه ډکې کړي او پښتانه يې په پښتو نېشه کړي دي.

پښتو زړورتوب دى

پښتو لوړ همت دى.

پښتو ننګ دى.

پښتو حميت دى.

پښتو غيرت دى.

پښتو جرئت دى.

پښتو اراده ده.

پښتو هوډ (عزم) دى.

پښتو متانت، ثبات او استقامت دى.

پښتو حزم دى.

پښتو حلم دى.

پښتو توره ده.

پښتو تور زنتوب دى.

پښتو نارينتوب دى.

پښتو مېړانه ده.

پښتو د پښتنو هر ګوره کلک سنګر دى.

پښتو د پښتنو نه چاپېره خورا کلکه کلا ده.

پښتو لطف دى.

پښتو معنا ده.

پښتو دعوه ده.

پښتو اثبات دى.

پښتو نتيجه ده.

پښتو حکمه ده.

پښتو حاکمه ده.

پښتو حکم دى.

پښتو قانون دى.

پښتو پرېکړه (فيصله) ده.

پښتو ضابطه ده.

پښتو نظام دى.

پښتو انتظام دى.

پښتو سمبالونه ده.

امنيت په پښتو کښې دى.

خواخوږى په پښتو کښې دى.

عدالت په پښتو کښې دى.

پښتو نياو (انصاف) دى.

مساوات په پښتو کښې دى.

پښتو د سمو مشرانو مننه ده.

پښتو د خاينو مشرانو رټنه ده.

ډګر په پښتو ګټل کېږي.

خلاصى او نجات په پښتو کښې دى.

پښتو د پښتنو د دواړو نړيو د سعادت ضامنه ده.

پښتو د پگښتنو دوړو روزونکې (مربي) ده

پښتو د پښتنو لوى ناموس دى.

پښتو د پښتنو د ټولنې روح دى.

پښتو خو نو پښتو ده پښتوده

پښتوده او پښتو (پښتنواله) ده.

د پښتنو سرلوړوالى په پښتو دى.

پښتو په پښتنو درېدل او سرو مال ترېنه جارول دي.

پښتانه په پښتو نازېږي.

پښتانه په پښتو سر لوېنه کوي.