پېغام

د مومند ادبي ټولنې او د مومند ادبي غنچې ملګرو ته او ښاغلي جنرال عبدالصمد مومند صيب سلامونه!
دا چې تاسې د ازادۍ د تحريک د ستر غازي حاجي صاحب ترنګزو د کليزې د نمانځنې په هکله د درنې مشاعرې او سيمينار تابيا کړې ده، نو زما دپاره د ډېرې خوښۍ ځاى دى. ويښ قامونه تل خپل اتلان نمانځي. د ازادۍ د تحريک ددغه ستر غازي کارنامې بايده دى، چې وخت په وخت دې قوم ته وړاندې شي او ددې ستر غازي د کارنامو ستاينه او قدردانى وشي.
تاسې ته مضبوطه حوصله غواړم، چې خپل درانه مشران لا درانه کړئ.