په اخر وخت کښې

قال رسول الله ﷺ: يَأْتِي فِي آخِرِ الزَّمَانِ قَوْمٌ:

په اخیر وخت کې به یو ډله یا قوم راشي :

د پیغمبر ص د ارشاداتو په رڼا کې خوارج به د لاندې ځانګړتیاوو درلودونکي وي.

۱ - حُدَثَاءُ الأَسْنَان.

۱ کم عمره او تنکي ځوانان به وي.

۲ - سُفَهَاءُ الأَحْلاَمِ .

بې حکمته او نادان به وي.

۳ - يَقُولُونَ مِنْ خَيْرِ قَوْلِ البَرِيَّةِ .

بهترین احادیث او اقوال به نقلوي.

۴ - يَقْرَءُونَ الْقُرْآنَ لَا يُجَاوِزُ حَنَاجِرَهُم.

قران شریف به لولي پداسې حال کې چې له مرۍ نه به یې نه ښکته کیږي.

۵ - يَقْتُلُونَ أَهْلَ الإِسْلاَمِ .

اهل الاسلام (مسلمانان به وژني)

۶ - وَيَدَعُونَ أَهْلَ الأَوْثَان.

بت پرستان او مشرکین به پریږدي (فقط او فقط د مسلمان امت سره به دښمني پالي)

۷ - يَخْرُجُونَ عَلَى حِينِ فُرْقَةٍ مِنَ النَّاس.

د مسلمانانو د اختلاف په حال کې راڅرګندیږي او د مسلمانانو تر منځ اختلاف ته لمن وهي.

۸ - تَحْقِرُونَ صَلاَتَكُمْ مَعَ صَلاَتِهِمْ وَصِيَامَكُمْ مَعَ صِيَامِهِمْ وَعَمَلَكُمْ مَعَ عَمَلِهم .

ستاسو لمونځ، روژه او اعمال د خپلو لمونځونو، روژو او اعمالو په وړاندې سپک ګڼي.

۹ - يَتَعَمَّقُونَ فِي الدِّينِ حَتَّى يَخْرُجُوا مِنْه.

په جزیاتو او مسایلو تر هغې کچې بحث او سختي کوي چې پدې کار سره ځانونه له دین څخه اوباسي.

۱۰- يَخْرُجُونَ عَلَى خَيْرِ فِرْقَةٍ مِنَ النَّاسِ.

همیشه به د بهترینو خلکو سره په جنجال او بحث اخته وي.

۱۱ - يَدْعُونَ إِلَى كِتَابِ اللَّهِ وَلَيْسُوا مِنْهُ فِى شَىْءٍ .

شعار به یې د الله ج کتاب وي مګر د هغه څخه به زیاته فاصله لري.

۱۲- انْطَلَقُوا إِلَى آيَاتٍ نَزَلَتْ فِي الكُفَّارِ، فَجَعَلُوهَا عَلَى المُؤْمِنِينَ .

کوم ایات چې د کفارو په حق کې نازل شوی وي په مسلمانانو به یې تطبیقوي.

۱۳- كُلَّمَا خَرَجَ قَرْنٌ قُطِعَ أَكْثَرَ مِنْ عِشْرِينَ مَرَّة.

هر ځل به په قوت سره راڅرګندیږي او بېرته به کمزوري کیږي چې شل وارې به دا کار دوام پیدا کوي.

۱۴- يَقْبِضُ العِلْمَ بِقَبْضِ العُلَمَاءِ، حَتَّى إِذَا لَمْ يُبْقِ عَالِمًا اتَّخَذَ النَّاسُ رُءُوسًا جُهَّالًا .

اکثریت به علم له ځان څخه زده کوي او د هیڅ عالم څخه یې نه زده کوي او مشران به یې جاهلان وي.

۱۵- فَسُئِلُوا فَأَفْتَوْا بِغَيْرِ عِلْمٍ فَضَلُّوا وَأَضَلُّوا.

کله که وپوښتل شي بغیر د علم او پوهې څخه به فتوې ورکوي خپله ګمراه (بې لارې) دي او نور هم ګمراه کوي.

۱۶- يُحَدِّثُونَكُمْ مَا لَمْ تَسْمَعُوا أَنْتُمْ، وَلَا آبَاؤُكُم.

هغه خبرې به په ژبه راوړي چې هیڅ وخت تاسو او ستاسو پلرونو نه وي اورېدلي.

{{رواه البخاری ((ش۳۳۴۴و ۱۰۰و۳۶۱۰و۳۶۱۱و۵۰۵۸و جلد۹ص۱۶)).

/مسلم (ج۲ص۷۴۱ج۱ص۱۲.

/ابن ابی عاصم السنة ش۹۳۰.

/ابوداود ش۴۷۶۵.

/ابن ماجه ش ۱۷۴.