زما د طبيعت خلاف
تا په رڼا پسې تورتم ته ريباري وکړله
حالاتو مونږ سره دې څرنګه ياري وکړله
څه د رڼا ستوري لرل مونږ د ګوتو په شمار
د هغه ستورو په لوېدلو دې خواري وکړله
د تورې شرنګ مې راپرېوځي تر بنګړو رسېږي
تا د شملو، تا مې د تورو دلالي وکړله
زمونږ تندي دي راپولۍ کړه د جنت په تمه
اخر دې سور دوزخ ته مونږ باندې زارۍ وکړله
ما درنه يو غوښته تا بل نقش راونيو حاله
زما د طبيعت خلاف دي خپله کولالي وکړله
لا دې په يوه لاس کې تسپې بل کې پيالې ورکړلې
پخپل تخليق دې څه بېخونده ګلکاري وکړله
زاهد هم ونيوه نغمه د سُر له تاله سره
په هر دريځ دې جادوګره فنکاري وکړله
د کوټوال عقل به پخپله له خپل کوره وځي
د کوپړۍ کور باندې يې ستا فکر مستي وکړله