غزل
پکې د عشق بله ډيوه ده نور به څه وي زړه کې
جانانه ستا د ياد کيسه ده نور به څه وي زړه کې
که د گشاېسته نظر دې غل يمه دروغ به نه وي
همدا د مينې رابطه ده نور به څه وي زړه کې
زړه که منګولې ښخوې ستا په زړګي ښکلوکيه!
خو همدغه د زړه خوښه ده نور به څه وي زړه کې
چې په ټوپونو او خېزو دى د سينې قفس کې
لېونۍ مينه پرې خوره ده نور به څه وي زړه کې
چې وخت بې وخته مې تندى په تسليمۍ سيخېږي
پکې د خداى کور دى کعبه ده نور به څه وي زړه کې
د اسويليو بړاسو چې مې فضا نيولې
د محبت د اور لمبه ده نور به څه وي زړه کې
چې سر په سر ترې جنازې د ارمانو ووتې
پاتې يوه خړه هدېره ده نور به څه وي زړه کې
جانانه! راشه د نظر غسل پخپله ورکړه
ها وروستنۍ هيله هم مړه ده نور به څه وي زړه کې
که جبارخېل محبوب سايل وم ومه ستا د کوڅو
غاړه مې ستا په لور کږه ده نور به څه وي زړه کې
Jabar Khel