اصلي مطلب ته ورشئ

Pashtoonkhwa

Organ der sozialdemokratischen Partei der Paschtunen

Organ of the Pashtoons Social Democratic Party

پښتونخوا

د پښتنو ټولنیز ولسولیز ګوند خپرونه

Da Pakhtano Tolaniz Wolaswaliz Guand Khparwana

→ شعر، ادب او هنر

کباب شوم

عزت الله ځواب

وسوم کباب شوم ښه شوم

خانه خراب شوم ښه شوم

د چا لاسونه ښکل کړم

د چا کتاب شوم ښه شوم

ځان مې کړو خپله لاهو

خپله سيلاب شوم ښه شوم

څه بې حسابه شومه

څه په حساب شوم ښه شوم

نه کوم ملک، نه ملا

نه کوم نواب شوم ښه شوم

خره ته ورغاړېوتم

دا دی ارباب شوم ښه شوم

ساقي مسکی شوې راته

ستا انتخاب شوم ښه شوم

اوس د زړو انګورو

ترخه شراب شوم ښه شوم

ټولو کې ښکلې زه وم

زه د ځواب شوم ښه شوم

شریکول

WhatsAppFacebookTelegram

شعر، ادب او هنرپه همدې برخه کې نور

ټولې لیکنې ←