څلورېځې
سید عبیدالله نادر
مدنیت انګازې
قافـــــــله دبشر ښــکتــه شوه ســپوږمۍ کې
مونږ تر اوسه یو ، لاناست په تروږمۍ کې
مدنیت انګـــــــــــازۍ لاړي ، کهکشــان ته
مونږ مشهوره د نړۍ شــــــــو ، نادانۍ کې
»»»»»»»»»»»»»»»»»»»»»»»»»»
احساس د مسوولیت
څوک چي وغواړي چي وکاندی خدمت
دي وطن ته په اخــــــــلاص او صداقت
ښه به دا وي ، چي تر ټولـــــو نه دمخه
ځان کې وروزی ، احساس د مسوولیت
«««««««««««««««««««««««««
زمونږه خلک
بشر په ستـوروکې ، د نــوی ژوند امکان لټوی
د امیــدونو آرمــانـــونو، لــوی جهـــان لټــــوي
زمونږه خلک ورک دي ، په تیارو کې د جهل
چي په تیــارو د جهــــالت کې ، خپل ځان لټوي
«««««««««««««««««««««««««««
د علم بیړۍ
هلته د علم بیړۍ ، د معرفت خــــــواته ځي
د علم و فـن په رڼا مخ په وحدت خواته ځي
دلتـــه زمونږ، امیدونـــو آرمــــانو قــــــافله
تورتمو کې ده روانه ، جهالت خـــواته ځي
««««««««««««««««««««««««««
زمونږ حالت
هلته بشر په ډیر اعجاز کـــوی ، څیړنۍ
په تورتمو کې ، لار پرانیزی په پو هنی
دلته زمونږ ، نادانان او جــــاهلان وهي
د جهـــــالت او دکیني اور ته لــــــــمني
««««««««««««««««««««««««
د غفلت خوبونه
ټولو واخیسته ، فضا ته کلک ،ګامونه
مونږ تر اوسـه ، د غفلت وهو خوبونه
نو راځـــئ چي د علـــمی نړۍ د پاره
سره یو شو د وحدت ، ورکړو لاسونه
«««««««««««««««««««««««««
د نصوارو نشئ
خلک ډوب دي ، د بشر په دردونو او غمو کې
مستقبل ته یی پریشانه ، په سوچونو اندیشنوکې
مونږه ډډه لــګولی د غــفلتــــــه ، وني لانـــدی
تیراوو ، عبث وختونه ، د نصوارو په نشو کې
««««««««««««««««««««««««««««
بیوزلو لاس نیوۍ
مونږ په خوارانو ، د زړه ســوی نه کوو
د خــپل بیوزلـــو لاس نـــیوې ، نه کـوو
که چیری مرستــــه، د کـــــولو وي وړ
هغه هم چیری مونږ په ځـــــــای نه کوو
««««««««««««««««««««««««««««