اصلي مطلب ته ورشئ

Pashtoonkhwa

Organ der sozialdemokratischen Partei der Paschtunen

Organ of the Pashtoons Social Democratic Party

پښتونخوا

د پښتنو ټولنیز ولسولیز ګوند خپرونه

Da Pakhtano Tolaniz Wolaswaliz Guand Khparwana

→ شعر، ادب او هنر

غزل

سپوږمۍ ته ګورمه، ګلونه به څارم درپسې
زه مسافر يمه ملکونه به څارم درپسې

ته پټوه په تورو زلفو کې رڼا د رخسار
زه لېونى يمه دا غرونه به څارم درپسې

د قبر خاورې چڼوم ايرو کې ګوتې وهم
ته زما خوښ يې کنډرونه به څارم درپسې

د ښار غرمې چې لنډوم ستا د اوربل سيوري ته
تا راولم ړنګ دېوالونه به څارم درپسې

منګله! ته چې کومو ډوبو سترګو يوړې رانه
ما دې هم يوسي دا سيندونه به څارم درپسې

Professor Asir Mangal
د پروفېسر اسير منګل د نوې شعري ټولګې "ايشمه" څخه په مننه

شریکول

WhatsAppFacebookTelegram

شعر، ادب او هنرپه همدې برخه کې نور

ټولې لیکنې ←