اصلي مطلب ته ورشئ

Pashtoonkhwa

Organ der sozialdemokratischen Partei der Paschtunen

Organ of the Pashtoons Social Democratic Party

پښتونخوا

د پښتنو ټولنیز ولسولیز ګوند خپرونه

Da Pakhtano Tolaniz Wolaswaliz Guand Khparwana

→ شعر، ادب او هنر

غزل

دا چې هر نظر مې حېران پاتې دی

لا پکښې تصویر د جانان پاتې دی

ولې مې سلګو ته وار خطا شولې؟

لا خو مې د اوښکو باران پاتې دی

تا ته چې د ځان په نظر ګورمه

ما نه دې په سترګو کښې ځان پاتې دی

تا چې غرېو نیولې راکتلې دي

زړۀ کښې مې ګمان وۀ ، ګمان پاتې دی

هاغه د ټول عمر لېونی ارمان

ستا د یو ارمان په ارمان پاتې دی

نوره هره ګرانه مې اسانه کړه

ګران چې وۀ لايقه! لا ګران پاتې دی

لايق زاده لايق

شریکول

WhatsAppFacebookTelegram

شعر، ادب او هنرپه همدې برخه کې نور

ټولې لیکنې ←