غزل
د سرو وينو ماښام د مازيګر جنازه يوړه
يو ښکلي شان نظر مي د نظر جنازه يوړه
دا چا کړو لـه نظره لـه يو بل چي په څنګ ګرځو
دا چا د محبت د لروبر جنازه يوړه
فتنه يي د رقيب راته په شاه کړه چي مسکئ شوه
خندا د سپيني خولي، خو يي د شر جنازه يوړه
انکار په سترګو، سترګو کي اقرار هسي په شونډو
جانان مي د ارمان ښه په هنر جنازه يوړه
"صمده" يو ارمان دي که پوره شو بختور يم
په مرګ که مي بي نيازه شان دلبر جنازه يوړه
General Abdul Samad Momand