رنګین کلی
تخنیکي وده پرمخ ځي، نه تمیږي
دا نړۍ په یو رنګین کلي بدلیږي
کمپیوټر به وسیله شي د هرکار
کار به بې له کمپیوټره هېڅ نه کېږي
انټرنټ به وي دېره د مالوماتو
دې دېره کې به هر څه نه خلک خبرېږي
انټرنټ به ازاده لوې بازار وي
د بازار راج به په هرځای کې چلېږي
د قلم د ازادۍ امکان یې مل دی
د جانان کوڅې ته لاره هم لنډېږي
بې ریباره به شي مینه په دونیا کې
د مینو به سېده خبرې کېږي
قامي پولې او سیاسي پولې به یو شي
یو له بله به بیا هډو نه بیلېږي
ستـوری دا اوس نړۍ واله ترانه ده
چې د ځمکې تنابونه رالنډېږي
(کبیر ستوری)
دلیکلو کال 2006