یادونه افسانې
اوس دی یادونه افسانې ښکاري.
دا څه دستور د زمـــانې ښکاري
ستا په وصال کې به نشه غـــوندې وه
هر غم مې هیر و عجیبه غـــــوندې وه
ګړۍ ګړۍ یوه لحظه غوندې وه
اوس دا خبرې بهانې ښکاري
داسې دستور د زمانې ښکارې
ستا په فرقت کې به پرېشانه ومه
هر وخت به ورک د خپله ځانه ومه
ښه راته يآد شي سرګردانه ومه
اوس پکې تتې نښانې ښکاري
زما ياديږي هغه ناز او ادا
کله گيلې او کله هسې پخلا
کله ژاړه کله په بړکه خندا
هغه ماڼۍ اوس ورانې ښکاري