په تا څه سوي دي؟

ورځ يې يوه تر بله سخته په تا څه سوي دي
يه د جانان د کلي بخته په تا څه سوي دي

ته خو اصيله درايي وې موذي څوک درلى
راوکښې چاله هغه رخته په تا څه سوي دي

تاله په جار درښيي ګوره دښمنان د هيواد
د هر شهيد د مزارسنخته په تا څه سوي دي

له ډېره وهمه چې دي خلک سمي لار ته راتلو
سوه درکې هغه جذبه کخته په تا څه سوي دي

بېلتون روان دى زموږ له منځه بس څه وار به کوې
ژړه يې سوه د ژوندون درخته په تا څه سوي دي

دا چې د قام د پرمختګ دپاره څه دي په کار
لږ خو تپوس وکړه له وخته په تا څه سوي دي

چې بې له ميني پر تا ناست سړى بل څه نه مني
د بوريوال د زړګي تخته په تا څه سوي دي