اخــــتر چې کلــه راشې مرور سره پخـــلاشي

اخــــتر چې کلــه راشې مرور سره پخـــلاشي*که هرڅومره خفه وي يو اوبل ته په خـــندا شي
خوماته مې تقــــدير جابر يو بل څـه دي ليکلي*اختر چې رارسېږي جــانان لا رانه په شــــا شي
اخــــــــتره بيړه وکـــــــــــړه
ته چې راځې اخـــــتره راوړه خوشــحالي درســــــره*تقـــــــدېر ځپلوقسمــــتوته نېکمـــرغي درســـــــــره
خزان درواخله بس دى راوړه پســـرلي درســـــــــره *بيا به ئې وگـــــورې چې څه کـــوي زلمي درســـره
ته چې راځې
دلتـــــه سکـــــروټې رااوريـــــږي په گلــــــونوبانـدې*دلتـــــــــه تېرى اوتجاوز دى عزتونوبـــــانــــــــــدې
افغانــــي ننگ دلتـــــه خرڅېږي په لوټونو بانــــــدې*که دې له وســـــه کېږي راوړه خپــــــلواکي درسره
ته چې راځې
دلتـــــــه قـــــدم په قـــدم قبر دى هـــــډونه دي خښ*زما دښــــــکلې پښتونخوا رنگـــين گلــــونه دي خښ
پردي خو نــه دي زما خپـــل سکنـي وروڼه دي خښ*لابــــه تر څو دايتيمان سلگــــــــــــۍ وهي درســــره
ته چې راځې
په کوم هــــنر چا يرغمل کـــړو واک دکــــور نه لـرو*چې تاتره مولـــــــــړزولــــه هغــــه زور نه لــــــــرو
دمکــــــر جال کې ئې اثير کـــړو ځکه شـــور نه لـرو*اخـــتره راولــــــه شير شــا غونــــدې زمري درسره
ته چې راځې
نه ســتا په تگ نه په راتگ خـبرېږو غم پــه مـوږه *دلتــه بلاوې دي راغلې کــــــړي ســـــيتم پـــه مـوږه
ښه ورځ مـــو ونه لــيده شـپه ورځ جهنم پـه مــوږه*درب لپــــــــاره راوړه راوړه ســـــوکالـــي درســــره
ته چې راځې
راشه له سـولې سره يوځاى کړه مـــوزړونه ټکــــور*موږمکارانو ېو لـــوټ کړي په دوکـــــــو اوپـــه زور
ناورين همـدغو دى راوستى زموږ دهــريــوپـه کـور*راوړه ملــــهم زمــــوږه زړو ته همــــــدردي درسره
ته چې راځې
چې ســـوله راولــــې نولا بـــه محبت کــوي ټـــــــول* مشــــــران به واړه په کشــــرانو شفقت کـــوي ټول
غوثې به نه وي يوتـربـل به صميـميت کـــوي ټــــول*له خوشحـالي به پورته غورځي ټــــول کمکي درسره
ته چې راځې
پيغلـې به رنگارنگ جامو کـې لکـــــه گل غـوړېــــږي*گېــــډى گېـــــډى زلفې به بيا لکــه ســــنبل غوړېـږي
داډبــــــرين زړونه به ټــــول لکه کنـــگل غـوړېـــږي*دبـــــرگــــودر چنــــار بـــــه څڼې ښــــوروي درسـره
ته چې راځې
پښتنـــــــــې ميندې به راټولې تا به ښـــه ولمـــــانځي*لاس ته راوړنـــــــې به دپـــــلار اودنيکــــه ولمانځي
خپل شهيـدان وروڼه به کــــور اوپه کاله ولمــــــانځي*لابــــــــه په مينه نازنين بچيـــــــان روزي درســــره
ته چې راځې
ډول اوسورڼى به په کوڅوکې زلـزلې جـوړي کــــــړي*مطرب به ترنگ ورکړي شهبازبه غلبلې جوړي کړي
شاعـــــردمينې به له شعر څخه غونچې جـوړي کــړي*بيا به دهيلـــــــو غوټۍ خپل ځان ســــــپړوي درسره
ته چې راځې
ځکه خوزه درتــــــه په تمـــــــــــه يم څارمـــه يوڅـوک*ســـــــترگې په لار يم خامخا پخـــــــــلا کومه يوڅوک
چې سپېلنى سپېلنى کېږمـــــــــه ژغــــورمــــه يـوځوک*که ئې خــــــداى هسې يوناڅاپـــــــه راولي درســـره
ته چې راځې
اخــــــــتره بيړه وکــــړه راشـــه چې غمــو واخيـســتم*گلـــرنگ له ما خوابــــــدى شوى انـــدېښنو واخيست
هـــــره شــــېبه نينه نينه شـــــــومــه لمبو واخيســــتم*بســـــمل به څومـــــره تړمې تړمې تــويــوي درسره
ته چې راځې

Akhtar Che Kala Rashi Marawar Sara Pa Khula Shee
Mohammad Amin Bismal