د وطن خاوره
محمد نعيم کاکړ/کوټه
خاوري به يي سترګو ته رانجه کړم
په طواف به د وطن ځان پروانه کړم
ښکلوم به يې تور کاڼي دا العلونه
دوطن په هر ګودر به ننداره کړم
پر هروته به يې ځان پټي پټي کړم
ښکلي ښکلي به يې جوړه کنډواله کړم
له دى دنګو دنګو غرونو د زار شم
د شپيلۍ آواز به ستا لوړ د شپانه کړم
چه در واړوي په بدو خړى سترګې
هر غليم به د کاروان سره ايره کړم
نعيم به دى دا شاړي ګلعزار کړم
د وطن بوټي به ټول ګل دلاله کړم