غوښتنه

غوښتنه/ غږ

د پښتنو ټولنیز ولسولیز ګوند #PSDP د ا.ا.ا له واکمنو څخه په کلکه غوښتنه کوي، چې پر انټرنیټ او د نجونو پر زده کړو لګول شوي بندیزونه ژر تر ژره لرې کړي.

دا بندیزونه د هېوادوالو بنسټیزو حقونو، د ټولنې, د اړیکو (کمونیکشن)، فکري، پوهنېزې (علمي)، تخنېکي او اقتصادي ودې لپاره خنډونه رامنځته کوي.

که دا پالیسۍ دوام ومومي، دا به د هېواد راتلونکی له درنو ګواښونو سره مخ کړي

له همدې امله، موږ د ااا په واکمنو غږ کوو چې پر دغو پرېکړو سمدواره غور او بیاکتنه وکړي او بندیزونه بې له ځنډه پای ته ورسوي.

د پښتنو ټولنیز ولسولیز ګوند

01.10.2025